பெண்ணின் நிழலுக்கும் காவல் வேண்டிய நிலையா?

அன்புள்ள நண்பர்களுக்கு,
  
   வணக்கம். நலம்தானே? நீண்ட இடைவேளைக்குப் பிறகு உங்களை சந்திப்பதில் மிக்க மகிழ்ச்சி அடைகிறேன்.

எத்தனை எத்தனை மாற்றம் உலகம் அடைந்தாலும் பெண்மைக்கு எதிரான வன்முறைகளும், குற்றங்களும் மாறவும் இல்லை.அதன் பாதிப்பு குறையவும் இல்லை. எத்தனையோ கொடுமைகளை நம் காதுகள் கேட்டு விட்டன, அதை ஒதுக்கி தள்ளியும் விட்டது.

வீட்டை விட்டு வெளியே வரவே பெண்கள் யோசித்த காலங்களும், பல அடக்கு முறைகளுக்கு அடங்கி  அடுப்படியே திருப்பதி, ஆம்படையானே பெருமாளு என்றும்  இருந்த காலங்களும் உண்டு. இதை எல்லாம் தாண்டி வெளி உலகத்திற்க்கு வந்து ,சுதந்திரக் காற்றை சுவாசிக்க ஆரம்பித்தார்கள். அதற்க்குள்ளாகவே பல இன்னல்களை நம் பெண் குலம் பார்த்து விட்டது. ஆனால் அதை எல்லாவற்றையும் விட இப்பொழுது பல பிரச்சினைகளுக்கு ஆளாகி இருக்கிறார்கள். சைபர் குற்றங்கள் முதல் கற்ப்பழிப்பு வரை.இந்த விஷயங்களை சாதாரண விஷயங்களாக விட்டு விட முடியுமா? விட்டு விடலாமா?

அதுவும் சமீபகாலமாக நாம் அதிகமாக கேள்விப்படும் அதிர்ச்சியான விஷயம் கற்ப்பழிப்பு. அதற்க்கு முன்பு கூட நாம் கேள்விப்பட்டோம், ஆனால் நம் மனதை அதிகமாக பாதிக்கவில்லை. காரணம் பத்திரிக்கைகள் மற்றும் தொலைக்காட்சிகள் அதை ஒரு பெரிய விஷயமாக கருதவில்லை. இவர்களுக்கு அதிக இலாபம் தரும் நிகழ்ச்சிக்காகவும், தங்கள் கட்சிகளைப்பற்றிப் பெருமை பேசவும், தங்களுக்கு விளம்பரம் தேடிக்கொள்ளவும் மட்டுமே இவர்கள்.

அத்தனை சேனல்கள் இருந்தும் நம்மால் எது உண்மை என்று கண்டு கொள்ள முடியாத அளவிற்க்கு பொய்யும், புரட்டும் மட்டுமே நமக்கு கிடைக்கிறது. அதனால் நம் நாட்டில் நடந்த எத்தனையோ கற்ப்பழிப்புகள் நமக்கு தெரியவும் இல்லை, குற்றவாளிகள் எவ்வளவு பேர் தண்டிக்கப்பட்டார்கள் என்பதும் தெரியவில்லை.
ஆனால் தற்பொழுது ஒரு கல்லூரி மாணவிக்கு தலைநகரம் தில்லியில் நடந்த ஒரு கொடுமையான பாலியல் பலாத்காரம் நாட்டையே பெரும் அதிர்ச்சிக்குள்ளாகி இருக்கிறது. அந்த செய்தியைப் படித்ததும் கண்ணீர் வந்தது, அந்த ஓநாய்களை அப்படியே வெட்டி சாய்க்க வேண்டும் போல் ஒரு ஆத்திரம் வந்தது.  ஐந்தறிவு ஜீவன் கூட இப்படி ஒரு கேவலமான செயலை செய்யாது. ஆனால் ஆண் செய்கிறான் அதுவும் கொஞ்சம் கூட ஈவு இரக்கம் இல்லாமல். பெண் என்ன அவ்வளவு கேவலமான பொருளா? தன் தேவைக்கு பயன்படுத்தி விட்டு தூக்கி எறிய. நம் தமிழ் நாடு இந்தியாவில் 4வது  இடத்தில் இருக்கிறது. எவ்வளவு வேதனையான விஷயம்? 

இதற்கெல்லாம் மத்தியில் பெண்கள் ஆபாசமாக உடை அணிவதால்தான் இப்படி நடக்கிறது என்று சில கோமாளிகள் கூவிக் கொண்டிருக்கிறார்களாமே? அப்படி சொல்பவர்கள் அனைவரைப் பார்த்தும் நான் கேட்க்க விரும்பும் கேள்வி ஒன்றுதான். சமீபத்தில் ஹைதராபாத்தில் ஐந்து வயது சிறுமி பாலியல் பலாத்காரம் செய்யப்பட்டார். அந்த ஐந்து வயது சிறுமி அப்படி என்ன ஆபாச உடை அணிந்து வந்து மயக்கி இருப்பாள் சொல்லுங்கள்?.

வினோதினி என்ற பெண் திராவக வீச்சுக்கு ஆளாகி இருக்கிறாள். பாட்னாவில் மூன்று பேரால் பாலியல் வன்முறைக்கு ஆளான ஒரு பெண் போலீசாரின் மோசமான விசாரணையை தாங்க முடியாமல் தற்கொலை செய்துகொண்டிருகிறாள்.இந்த விவகாரத்தில் நாம் சீர்திருத்த வேண்டியதும் செய்ய வேண்டியதும் ஏராளமாக இருக்கிறது. ஆனால் நம் அரசு செய்து கொண்டிருப்பது என்ன? பாலியல் பலாத்காரம் செய்தவர்களின் புகைப்படங்களை வெளியிடப் போகிறார்களாம். ஏன் அவர்களைப் பார்த்து மத்த பெண்கள் முடங்கிக்கொள்ளவா? தெரியவில்லை. எங்கே ஓட்டை என்று தேடினால், கிழிந்து போய் கிடக்கிறது நாடு தைக்கவே முடியாத நிலைக்கு.

ஆண்களின் கண்ணோட்டத்தையும், அவர்களின் நினைப்பையும் சீர்திருத்த வேண்டிய கட்டயாமான நிலைமைக்கு நாடு தள்ளப்பட்டிருக்கிறது. பத்திரிக்கைகள் ஒரு புறம் கூவிக்கொண்டிருக்கின்றன். கற்ப்பழிப்புக்கு உடைதான் காரணம் என்று. ஆனால் அந்த பத்திரிக்கைகளின் அட்டை படம் முதல் நடுப்பக்கம் வரை கவர்ச்சி படங்கள் கண்ணை கூச வைக்கின்றன. சொல்வது ஒன்று செய்வது ஒன்று நம் நாட்டின் பழக்கமா அது? பெண்ணை தெய்வமாக மதிக்கும் நாடு என் நாடு என்று என்னால் பெருமை பேச மட்டுமே முடிகிறது. எங்கே போனது தெய்வம்? நீ தெய்வமாக மதிக்க
 வேண்டாம் ஆனால் அவளுக்கு உயிரோடு சமாதி கட்ட வேண்டாமே.

இதற்க்கெல்லாம் நடுவில் அரசியல் வாதிகளின் அர்த்தம் இல்லாத விளம்பரப் பேச்சுக்கள்.அவ்வளவும் மனதை பாதிக்கும் விஷயங்கள்.எனது நண்பர் ஒருவர் அழகாக தன் இணைய தளத்தில் குறிப்பிட்டிருந்தார். அது, அமெரிக்காவில் ஒரு மனநோயாளி சமீபத்தில் பள்ளியில் நுழைந்து பள்ளி மாணவர்களை கொன்று குவித்தான். அதை குறிப்பிட்டு, அமெரிக்கனே நீ ஏன் அங்கே உள்ள அப்பாவி மாணவர்களை கொன்று குவிக்கிறாய். இங்கே வா, இங்கு நிறைய கற்பழிப்பாளர்கள், கொள்ளையடிக்கும் அரசியல்வாதிகள், சமூகத்தை சுரண்டும் சுயநலவாதிகள் இருக்கிறார்கள். எங்க அரசுக்கு அவங்கள கட்டுப்படுத்த தெரியவில்லை என்று. உண்மைதானே?

 இதற்க்கு கடுமையான தண்டனைகள் இருந்தலேயன்றி இதை நாம் சரி செய்ய முடியாது. அப்பொழுதுதான் இப்படிப்பட்ட ஆண்களுக்கு உறைக்கும். தன் வீட்டில் உள்ள பெண்களைப் போலவே மற்ற பெண்களையும் பாருங்கள். அவர்களும் சக மனிதர்கள் தான். பெண்களே நாமும் விழிப்புணர்வோடு செயல்பட்டு நம்மை தற்க்காத்துக் கொள்வோம். எதிரியை தாக்கும் உத்தியை படிப்போம். இனிமேல் என் நாட்டில் இதைப் போன்ற ஒரு சம்பவம் நடக்கவே கூடாது என்று பிரார்த்திப்போம். பாதிக்கப்பட்ட அனைத்து சகோதரிகளும் உடலாலும், மனதாலும் நலம் பெற பிரார்த்திப்போம்.

அறிவு கொண்ட மனித வுயிர்களை
அடிமை யாக்க முயல்பவர் பித்தராம்;
நெறிகள் யாவினும் மேம்பட்டு மானிடர்
நேர்மை கொண்டுயர் தேவர்க ளாதற்கே,
சிறிய தொண்டுகள் தீர்த்தடி மைச்சுருள்
தீயி லிட்டுப் பொசுக்கிட வேண்டுமாம்;
நறிய பொன்மலர் மென்சிறு வாயினால்
நங்கை கூறும் நவீனங்கள் கேட்டிரோ!
ஆணும் பெண்ணும் நிகரெனக் கொள்வதால்
அறிவி லோங்கி,இவ் வையம் தழைக்குமாம்;
பூணு நல்லறத் தோடிங்குப் பெண்ணுருப்
போந்து நிற்பது தாய்சிவ சக்தியாம்;
நாணும் அச்சமும் நாட்கட்கு வேண்டுமாம்;
ஞான நல்லறம் வீர சுதந்திரம்
பேணு நற்கடிப் பெண்ணின் குணங்களாம்;
பெண்மைத் தெய்வத்தின் பேச்சுக்கள் கேட்டிரோ!
                                         --- பாட்டுச்சித்தன் பாரதி

எது எப்படியோ சேனல்களுக்கும், பத்திரிக்கைகளுக்கும் அப்படி ஒரு கொண்டாட்டம்.  தங்கள் முதல் பக்கங்களுக்கு ஒரு மாதத்திற்க்கு விஷயம் இருக்கே.
இதைப்போன்ற ஈனச்செயல்களுக்கு இப்படிப்பட்ட ஒரு கடுமையான போராட்டம் நிச்சயம் தேவை. நீங்கள் என்ன சொல்கிறீர்கள் நண்பர்களே?

வாழ்க வையகம்!!! வாழ்க வளமுடன்!!!
 

படித்ததில் பிடித்தது : புத்தகம் வாசிப்பது

அன்பு நண்பர்களே!!

FB யில் நண்பர் ஒருவர் பகிர்ந்ததை ,நானும் உங்களுடன் பகிர்கிறேன் மகிழ்ச்சியாக.

தனிமைத் தீவில் தள்ளப்பட்டால் என்ன செய்வீர்கள்?’ என்று கேட்கப்பட்டபோது, ‘புத்தகங்களுடன் மகிழ்ச்சி-யாக வாழ்ந்து விட்டு வருவேன்’ என்று பதிலளித்தார்  ஜவஹர்லால் நேரு

 ‘என் கல்லறையில் மறக்காமல் எழுதுங்கள் இங்கே ஒரு புத்தகப் புழு உறங்குகிறதென்று’ என்றார் பெட்ரண்ட் ரஸல்.

மனிதனின் ஆகப் பெரிய கண்டுபிடிப்பு எது என்று வினவப்பட்டபோது சற்றும் யோசிக்காமல் ‘புத்தகம்’ என பதிலளித்தார் ஆல்பர்ட் ஐன்ஸ்டீன்.

‘கரண்டியைப் பிடுங்கி விட்டு புத்தகம் கொடுத்தால் போதும்’ என்றாராம் தந்தை பெரியார்.

‘வேறு எந்தச் சுதந்திரமும் வேண்டாம். சிறையில் புத்தக வாசிப்பை மட்டும் அனுமதிக்க வேண்டும்’ என்றாராம் நெல்சன் மண்டேலா.

பிறந்த நாளுக்கு என்ன வேண்டும் என நாடு கேட்டபோது புத்தகங்கள் வேண்டும் என சற்றும் தயக்கமின்றி லெனின் கூறிட குவிந்த புத்தகங்கள் பல லட்சம். இன்று மாஸ்கோ லெனின் நூலகம்தான் உலகிலேயே மிகப் பெரியது.

குடும்பத்தை விட்டு வெளியேறுங்கள் என்று தூக்கியெறியப்பட்ட போது பேரறிஞர் இங்கர்சால் சென்ற இடம் நூலகம்.

ஒவ்வொரு படமும் நடிக்க ஒப்புக் கொள்ளும்போது வரும் முன்பணத்தில் முதல் நூறு டாலருக்கு புத்தகம் வாங்குவாராம் சார்லிசாப்லின்.

‘ஒரு குழந்தைக்கு நீங்கள் வாங்கித் தரும் மிகச் சிறந்த பரிசு ஒரு புத்தகம்தான்’ என்றார் வின்ஸ்டன் சர்ச்சில்.

ஒரு கோடி ரூபாய் கிடைத்தால் என்ன செய்வீர்கள் என்று கேட்டபோது ‘ஒரு நூலகம் கட்டுவேன்’ என்று பதிலளித்தாராம் மகாத்மா.

விமானத்தில் போகாமல் பம்பாய்க்கு காரில் மூன்று நாள் பயணம் செய்து மெனக்கெட்டது ஏன் என்று வினவியபோது பத்துப் புத்தகங்கள் படிக்க வேண்டி இருந்தது என பதிலளித்தாராம் அறிஞர் அண்ணா.

பயங்கரமான போராட்ட ஆயுதங்கள் எவை என கேட்கப்பட்டபோது புத்தகங்கள்தான் என்றாராம் மார்டின் லூதர் கிங்.

எங்கே தங்க விரும்புகிறீர்கள் என்று லண்டன் தோழர்கள் கேட்டபோது... எது நூலகத்திற்கு அருகில் உள்ளது என கேட்டாராம் டாக்டர் அம்பேத்கர்.

தான் தூக்கிலிடப்படுவதற்கு ஒரு நிமிடம் முன்பு வரை வாசித்துக் கொண்டே இருந்தாராம் பகத்சிங்.

from - #FB (நன்றி சூர்யா சுரேஷ் )
http://karpanaisiragugal.blogspot.fr/

நீர்ப்பறவை திரைவிமர்சனம் (Neerpparavai movie review in Tamil)

அன்பு நண்பர்களே!!
வணக்கம். நலம்தானே?
நீண்ட இடைவெளிக்குப் பிறகு ஒரு நல்ல படத்தின் விமர்சனத்தோடு உங்களை சந்திக்கிறேன்.
25 வருடங்களுக்கு முன் மீன் பிடிக்கப் போன தந்தை திரும்ப வில்லை.தாய் நடுஇரவில் வீட்டின் பின்பு உள்ள கல்லரையில் அமர்ந்து அழுகிறாள். மகனுக்கு சந்தேகம் வந்து, தோண்டிப்பார்க்க அங்கே ஒரு எலும்புக் கூடு மட்டும். இப்படித்தான் ஆரம்பிக்கிறது படம். ஆரம்பமே நம்மை நிமிர்ந்து உட்க்கார வைக்கிறது. கதை விறுவிறுப்பான க்ரைமாக இருக்குமோ என்று எதிர்ப்பார்த்தால் அதுதான் இல்லங்க.
தாய் எஸ்தரை கைது செய்ததும் , அவர் சொல்லும் கடந்த கால மீனவர்களின் கதையே "நீர்ப்பறவை". மிகவும் குடிக்கு அடிமைப் பட்ட நிலையில் இருக்கும் அருளப்பசாமி(விஷ்ணு), அவரை மறுவாழ்வு மையத்தில் சேர்த்து அவரை குடிப்பழக்கத்தில் இருந்து மீட்கிறார்கள். அவர் எஸ்தரை(சுனைனா) சந்திக்கிறார். இருவரும் காதல் வசப்படுகிறார்கள்.

ஆனால் குடிகாரன் மட்டுமல்லாமல் ஊர் முழுவதும் கடன் வாங்கி குடித்திருக்கும் அருளப்பசாமிக்கி பெண் கொடுக்க மறுக்கிறார் தாய். அதனால் கடலுக்கு சென்று மீன் பிடித்து முன்னேற நினைக்கிறார் அருளப்பசாமி.

ஆனால் இவர் இலங்கை தமிழராக இருந்து இங்கே வந்து வளர்வதால் மீனவர்கள் கடலுக்குள் அனுமதிக்க மறுக்கின்றனர். எப்படி இவர் அனைவர் மனதையும் வென்று , கடலுக்கு சென்று, எஸ்தரை மணக்கிறார். யாருடயது அந்த எலும்புக்கூடு?, ஏன் அது அங்கே இருக்கிறது ?என்பதே கதை.

"அழகி"யில் அழகாக நம் நெஞ்சங்களைக் கொள்ளை கொண்ட நந்திதா தாஸ் வயதான எஸ்தராக மீண்டும். அதே மாறாத சோகம், நெஞ்சை பிழியும் அசத்தல் நடிப்பு.

அருளப்பசாமியின் தாயாக சரண்யா பொன்வண்ணன். எந்த பழக்கத்தையும் உடனே நிறுத்தக் கூடாதாம், அப்படி பண்ணா உசிரு போயிருமா என்று சொல்வதிலும் ஆகட்டும், மகனுக்கு செல்லம் குடுப்பதிலும் ஆகட்டும் அந்த வெள்ளந்தி நடிப்பில் நம் நெஞ்சை அள்ளுகிறார்.
உடுமன் கானியாக வரும் சமுத்திரக்கனி கொஞ்சம் வந்தாலும் அவர் சொல்லும் "மீனவர்கள் ரெண்டு பேரை சுட்டார்கள் என்பது சாதரண செய்தியாகி விட்டது" , "பத்திரிக்கைக்காரர்களும் தமிழ் மீனவர்கள் இறந்தார்கள் என்று மட்டும் போட்டுவிடுகிறார்கள்" போன்ற வசனங்கள் நெஞ்சில் ஆழப்பதிகின்றன. நமக்குள்ளும் என்று தீரும் இந்த பிரச்சினை?, என்று நம் மீனவர்கள் பாதுகாப்பாக கடலுக்குள் இறங்குவார்கள்? அரசு ஏன் இப்படி மெத்தனமாக இருக்கின்றது? என்று கேட்க தோன்றுகின்றன.

இளமை எஸ்தராக நடித்திருக்கும் சுனைனா நடிப்பில் ஒரு புது பரிணாமம். அவரின் எளிமையும், ஒரு சோகம் கலந்த புன்னைகையும் மிக அசத்தல்.
கடலுக்குள் சென்றவர் வராமல் தேடும் பொழுது சுனைனா கதறும் பொழுது, நம் கண்களிலும் கண்ணீர்.



விஷ்ணுவிற்க்கும் வெண்ணிலா கபடிக் குழுவிற்க்குப் பிறகு ஒரு நல்ல படம். மீனவர்கள் கடலுக்குள் அனுமதிக்காமல், அந்த ஒத்த கட்டுமரத்துல ஏறிக்காட்டு அப்புறம் பாக்கலாம் என்று சொன்னதும், விடாமுயற்சியுடன் பயிற்சி செய்து ஏறி நிற்க்கும் பொழுது நாமும் அங்கே ஜேயிப்பதுப் போல் ஒரு உணர்வு.
ஒவ்வொருவரும் தம்பி ராமைய்யா, அனுபமா ,பாண்டி மற்றும் வடிவுக்கரசி அனைவரும் அசத்தி இருக்கிறார்கள். அனைவருக்கும் பாராட்டுக்கள் :).

 ஒவ்வொரு மீனவ மனைவியும், தாயும், தந்தையும் எப்படி பரிதவிக்கிறார்கள் மீனவனை கடலுக்குள் அனுப்பி விட்டு. அப்பப்பா, சொல்ல முடியாத சோகம்.

இசை யாருங்க , அட ரகுநாதன் அவர்கள். பரப்பர பறவை ஒன்று எத்தனை முறை கேட்டாலும் சலிக்க வில்லை. வாழ்த்துக்கள்.

கடலை அப்படியே நம் முன்னாடி அழகாக காட்டி இருக்கும் சீனு ராமசாமி அவர்களுக்கு ஒரு ஓ போடலாங்க :)

Directed by	Seenu Ramasamy
Produced by	Udhayanidhi Stalin
Screenplay by	Seenu Ramasamy Jeyamohan
Starring	Vishnu Sunaina Nandita Das Saranya Ponvannan Anupama Kumar
Music by	N. R. Raghunanthan
Cinematography	Balasubramaniem
Editing by	M. Kasi Viswanathan
Studio	Red Giant Movies
Distributed by	Red Giant Movies
Release date(s)	November 30, 2012 (2012-11-30)
Running time	137 minutes
Country	India
Language	Tamil

கிறித்துவம், இஸ்லாம் மற்றும் இந்து இப்படி அனைவரையும் ஒன்றாக , ஒற்றுமையாக காட்டி இருக்கிறார்கள். ஒன்று பட்டால் உண்டு வாழ்வு. நாம எல்லோரும் ஒற்றுமையா இப்படியே இருக்கனும். என்னங்க நான் சொல்ரது உண்மைதானே. மீண்டும் அடுத்த படத்தில் சந்திப்போமா? வாழ்க வளமுடன்.

படித்ததில் பிடித்தது :மனுஷ்ய புத்திரன்

பிரம்மாண்டத்தில் ஒளிந்திருக்கும்
அற்பத்தை
அற்பத்தில் ஒளிந்திருக்கும்
பிரம்மாண்டத்தை
உருவி எடுக்கையில்
...

கொஞ்சம் இரத்தம் சிந்த வேண்டியிருக்கிறது"...

நான் எப்போதோ எழுதி நானே மறந்துபோன இந்த வரிகளை சாட் டில் வந்து ஒரு நண்பர் சற்று முன் பகிர்ந்து கொள்கிறார். ஒரு எழுத்தாளன் களைத்துப் போகிறான். தனித்து விடப்படுகிறான். ஆனால் எழுதபட்ட சொற்கள் எதுவும் ஒருபோதும் களைப்படைவதுமில்லை. தனித்துப் போவதுமில்லை

                              -  மனுஷ்ய புத்திரன்

தொப்பை அதிகமாக இருக்கா? குறைக்க வழி இருக்கு!

அன்பு நண்பர்களே!!!

வணக்கம். நான் படித்ததை இங்கே பகிர்கிறேன். முயன்று பார்ப்போமா?

 

தொப்பை அதிகமாக இருக்கா? குறைக்க வழி இருக்கு!

* உடல் எடையை குறைக்க சரியான வழி காலை உணவை தவிர்ப்பது அல்ல. ஏனெனில் காலை உணவு தான் அன்றைய தினத்திற்கு ஏற்ற எனர்ஜியை தருகிறது. அவற்றை தவிர்த்தால், உடல் நலம் தான் பாதிக்கப்படும். பின் எப்போது பார்த்தாலும் சாப்பிட்டுக் கொண்டே இருக்க வேண்டும் என்று தோன்றும். ஆகவே மறக்காமல் காலை வேளையில் மறவாமல் ஏதேனும் ஆரோக்கியமானவற்றை சாப்பிட வேண்டும்.

* பானை போன்ற வயிறை...

குறைக்க, மற்ற வழிகளை விட சிறந்தது உடற்பயிற்சி தான். அதிலும் நடைப்பயிற்சி தான் சிறந்தது. ஆகவே காலையில் எழுந்ததும் தினமும் குறைந்தது 30 நிமிடமாவது நடந்தால் நல்லது. இதனால் உடல் மற்றும் தொடையில் இருக்கும், தேவையற்ற கலோரிகள் கரைந்துவிடும்.

* எடையைக் குறைக்க தேன் ஒரு சிறந்த மருத்துவப் பொருள். ஆகவே காலையில் எழுந்ததும், ஒரு டம்ளர் நீரில் 2 டீஸ்பூன் எலுமிச்சை சாறு, 1 டீஸ்பூன் தேன் மற்றும் சிறிது மிளகு தூள் சேர்த்து, தினமும் குடிக்க வேண்டும்.

* காரமான உணவுப் பொருட்களான இஞ்சி, மிளகு, இலவங்கப்பட்டை போன்றவையும் மிகவும் சிறந்தது. அதிலும் தினமும் இஞ்சி டீயை 2-3 முறை குடிக்க வேண்டும். இது உடல் பருமனைக் குறைக்கும் சிறந்த பொருள்.

* இரண்டு டீஸ்பூன் எலுமிச்சை சாற்றை சாதாரண நீரில் குடித்து வந்தால், உடல் எடை குறையும். மேலும் சாப்பிட்டப் பிறகு ஒரு டம்ளர் சூடான நீரை குடித்து வந்தால், இயற்கையாகவே உடல் எடை குறைந்துவிடும்.

* உடல் எடையை குறைக்க டயட்டில் இருக்கும் போது பச்சை காய்கறிகள், தக்காளி மற்றும் கேரட் போன்ற கலோரி குறைவான, ஆனால் அதிக வைட்டமின் மற்றும் கனிமச்சத்துக்கள் உள்ள உணவுகளை அதிகம் சாப்பிட வேண்டும். இதனை அதிகம் சாப்பிட்டு வந்தால், உடல் ஆரோக்கியமாக இருப்பதோடு, உடல் எடையும் விரைவில் குறையும், அதிக பசியும் எடுக்காமல் இருக்கும்.

* தொடர்ந்து 3-4 மாதங்கள், காலையில் எழுந்ததும் 10 கறிவேப்பிலையை சாப்பிட வேண்டும். இதனால் பெல்லி குறைந்து, அழகான இடுப்பைப் பெறலாம்.

* எப்போதும் உணவு உண்ணும் முன் ஒரு துண்டு இஞ்சியை, எலுமிச்சை சாறு மற்றும் உப்பில் தொட்டு சாப்கிட வேண்டும். இதனால் அதிகமான அளவு உணவை உண்ணாமல், கட்டுப்பாட்டுடன் உணவை உண்ணலாம்.

இவ்வாறெல்லாம் செய்து வந்தால், பானைப் போன்ற வயிற்றை குறைத்து, அழகான உடல் வடிவத்தைப் பெற்று ஆரோக்கியமாக வாழலாம்.

 

(Thanks Tamil Karuthu kalam)

படித்ததில் பிடித்தது : வீர சிவாஜி

அன்பு நண்பர்களே!!!

வணக்கம். நான் படித்ததில் பிடித்ததை பகிர்கிறேன்.

வீர சிவாஜி ஒரு முறை முகலாய மன்னனிடம் இருந்து தப்பித்து மாறு வேடத்தில் ஊருக்குள் சுற்றிக் கொண்டிருந்தார் . ரொம்பப் பசி எடுத்ததும் அருகில் இருந்த ஒரு வீட்டிற்குச் சென்று தனக்கு உணவளிக்குமாறு கேட்டுக்கொண்டார். அந்த வீட்டிலிருந்த வயதான பாட்டி அப்போது தான் சமைத்து முடித்திருந்தது."வாப்பா" என்றழைத்து சுட சுட சோற்றைப் பரிமாறியது. அவசரக் குடுக்கையான சிவாஜி பசி தாளாமல் வேகவேகமாய் சுடு சோற்றின் நடுவே கைவைத்துச் சாப்பிட ஆரம்பித்தார்.அதிக சூட்டினால் சாப்பிட முடியாமல் தவித்தார். உடனே குறுக்கிட்ட பாட்டி... ஏம்ப்பா .. நீயும் நம்ம சிவாஜி மாதிரி விவரம் புரியாத ஆளா இருக்கியே .. முதல்ல சுற்றி இருக்க சின்ன சின்ன கோட்டைகளை கவர்ந்துவிட்டு அப்பறமா பெரிய கோட்டைய ஆக்கிரமிக்கணும்... எடுத்ததுமே மிகப் பெரிய விஷயத்துக்கு ஆச மட்டும் பட கூடாது.. அது போல நீ ஓரத்துல இருக்க சோற்றை முதலில் சாப்பிட்டு முடி... அதற்குள் நடுவில் இருக்கும் மலைக்குவியல் சோறு ஆறியிருக்கும்... பின் அதை சாப்பிடலாம் " என்றது ... சிவாஜிக்குத் தூக்கி வாரிப் போட்டது... இருந்தும் பாட்...

டியின் சொல்லில் இருக்கும் நிஜத்தை புரிந்து கொண்ட சிவாஜி போர் நுணுக்கத்தை தனக்குச் சொல்லிக் கொடுத்த பாட்டியிடம் தான் தான் சிவாஜி என்று சொல்லாமலேயே, உணவளித்தமைக்கு நன்றி சொல்லி அந்த இடத்தை விட்டு வெளியே வந்தார்..

# உங்களுக்கான பாடம் மதகுருக்களிடமோ , போதகர்களிடமோ , பேச்சாளர்களிடமோ , பெரிய எழுத்தாளர்களிடமோ மட்டும் இருப்பதில்லை.... நீங்கள் கடந்து செல்லும் ரோட்டில் எதிர் வரும் காலில்லாத மனிதனிடம் கூட இருக்கலாம்.... யாரையும் துச்சமாய் நினைக்காமல் எல்லோரிடமிருந்தும் எதைக் கற்றுக் கொள்ள முடியுமோ அதைக் கற்றுக் கொள்ளுங்கள்... நல்லதைப் பிறர்க்கு செய்யுங்கள்... கெட்டதா .? அதையும் பிறரை செய்ய வேண்டாம் என்று அறிவுறுத்துங்கள் , நீங்களும் பின் பற்றுங்கள் !

 

via பிரபாகரன் சேரவஞ்சி

உன்னைச் சரணடைந்தேன்!

பாரதியார் கண்ண பரமாத்மாவைப் பெண்ணாகப் பாவித்து பாடியவை தேனினும் இனியதாக இருக்கும். அவர் என்ன சொல்கிறார்! கண்ணம்மா! உன் அழகு மின்னலைப் போன்றது. உன்னுடைய புருவங்கள் மதனின் வில்லாகும். வானில் விளங்கும் சந்திரனைப் பிடித்த பாம்பினைப் போன்ற அடர்த்தியான கூந்தலை உடையவளே! உன் மங்கள வாக்கு என்றும் அழியாத ஆனந்த ஊற்றாகும். மதுர வாயோ அமிர்தகலசம். புன்னகை சிந்தும் இதழ்கள் அமிர்தம். சங்கீதம் தவழும் மென்மையான குரல் சரஸ்வதியின் வீணையைப் போன்று இனிமை சேர்க்கும். இங்கிதம் தரும் நாத நிலையமாக உனது இருசெவிகளும் திகழ்கின்றன. சங்கினைப் போன்ற கழுத்தினைப் பெற்றவளே! மங்களம் தரும் உன் இருகரங்களில் மஹாசக்தி வாசம் புரிகிறாள். ஆலிலையைப் போன்ற வயிற்றினைக் கொண்ட நீ, அமிர்தத்தின் இருப்பிடமாய் திகழ்கிறாய்! சங்கரனைத் தாங்கும் நந்திகேஸ்வரனைப் போன்ற பத சதுரத்தில் கோலம் செய்பவளே! செந்தாமரை மலர் போன்ற உன் திருப்பாதங்களை லட்சுமிபீடத்தில் தாங்கச் செய்திருப்பாய். உன் திருக்கோலம் அன்பும், மேலான ஞானமும் பொங்குவதாக இருக்கும். உன்னிடத்திலிருந்து அருள் நாலாபுறங்களிலுமுள்ள திசையெங்கும் பரவும்.அன்பு நெறியில் அறங்கள் வளர்ந்திட எங்கும் நன்மையை நாட்டிடுவாய் அன்னையே! உன்னைச் சரணடைந்தேன்

முயற்சி திருவினையாக்கும்

* பக்தி நமக்கு அதிகம் என்பதை யாரும் மறுக்கமுடியாது. ஆனால், தெய்வத்தை நம்பிவிட்டு, எந்த முயற்சியும் செய்யாமல் பொழுதைக் கழித்தால் தெய்வமும் பேசாமல் பார்த்துக் கொண்டிருக்கும்.
* ஒரு விஷயத்தில் மன உறுதியுடன் தொடர்ந்து முயற்சித்தால், அந்த வேலைக்கு எப்படியாவது ஒரு நல்லமுடிவைத் தெய்வம் காட்டும்.
* முயற்சி திருவினையாக்கும் என்பது முன்னோர் உறுதிமொழி. எல்லாரும் எதிர்காலவளர்ச்சிக்கு முயற்சித்தால் தெய்வமும் நன்மைக்கு வழிவகுக்கும்.
* பலரும் ஒன்று சேரும்போது ஒருவருக்கொருவர் பிரச்னை, வருத்தம் உண்டாகலாம். அவற்றை வளர விடாமல் பேசித்தீர்ப்பது அவசியம்.
* நாம் குழந்தை போன்றவர்கள். குழந்தை அழுதால் தாய் பாலூட்டி பசிபோக்குவது போல, முயற்சிகளை தொடர்ந்து செய்தால் தெய்வம் நம் மீது இரக்கப்படும்.
* ஒரு முயற்சியை மேற்கொண்டால் அதில் வெற்றி உண்டாகும்வரை கண்ணும் கருத்துமாக பாடுபடவேண்டும்.
- பாரதியார்

மனதில் நல்லருள் நிரம்பட்டும்

* அச்சம், கவலை, சிறுமை, திகைப்பு, சோர்வு முதலான எத்தனையோ அசுரர்கள் நமக்குள்ளே இருக்கிறார்கள். அவர்களை ஒழித்துக்கட்டுவோம்.
* சீறி வரும் பாம்பைக் கண்டாலும் அஞ்சாமல் சிரிக்கவல்ல தீரர்களே கடவுளின் கருணையைப் பெற்றவர்கள் ஆவர்.
* அறியாமை என்னும் விஷப்பூச்சி நமக்குள் புகுந்து ஒளியையும், இன்பத்தையும் மறைக்கும்.
* மதிப்புடன் வாழும் மனிதனுக்கு நேரும் அபகீர்த்தி என்னும் கெட்ட பெயர் மரணத்தைக் காட்டிலும் கொடுமையானது.
* மனக்கவலையைக் கொல்லுங்கள். அனைவரும் வாருங்கள். உள்ளத்தில் இருக்கும் அதிருப்தியைக் கொத்துங்கள். கொல்லுங்கள்.
* இந்தப் பூமியில் யாருக்கும் யாரும் இனி அடிமை இல்லை. பரிபூரணமான இறைவன் ஒருவனுக்கே அடிமை செய்து வாழ்வோம்.
* நெஞ்சில் ஈரம் இல்லாத மனிதர்கள் இறைவனைக் காண முடியாது. எப்போதும் மனதில் நல்லருளை நிரப்பிக் கொள்ளுங்கள்.
- பாரதியார்

துப்பாக்கி திரைவிமர்சனம் (Thuppakki movie review)

அன்பு நண்பர்களுக்கு,

வணக்கம். நலம்தானே?

மீண்டும் ஒரு நல்ல படத்தில் உங்களை சந்திப்பதில் பெரும் மகிழ்ச்சி :)
சிலப் படங்கள் வெளி வரும் பொழுது அல்லது பார்த்தப் பின்பு பரபரப்பை ஏற்படுத்தும்.ஆனால் இந்த படம் கொஞ்சம் விதி விலக்கு. அட ஆமாங்க துறு துறு துப்பாக்கி படம்தான் வரும் முன்பும் வந்த பின்பும் பெரும் பரபரப்பை ஏற்படுத்தி உள்ளது.

 காரணம் இருக்கு, இளைய தளபதி மற்றும் முருகதாஸ் அவர்களும் இணைந்து கலக்கி இருக்கும் படமே இது. எப்பொழுதும் பரபரப்பான படங்களை கொடுத்து பரபரப்பை ஏற்படுத்துபவர் முருகதாஸ். உதாரணம் ரமணா, கஜினி மற்றும் ஏழாம் அறிவு இப்படி சொல்லிக் கொண்டே போகலாம்.

அதேப்போல் விஜய் அவர்களும் சளைத்தவர் அல்ல. பலப்படங்கள் நெஞ்சை விட்டு நீங்காதவை. நீண்ட இடைவேளைக்குப் பிறகு மீண்டும் ஒரு வெற்றிப்படம். இதில் ஒரு வித்தியாசமான விஜயை பார்க்கலாம்.

நாட்டுப்பற்று மிக்க இராணுவ வீரராக நடித்திருக்கிறார். இவருக்கு இணையாக ஜிலு ஜிலுவென நம்ம காஜல் அகர்வால்தான். வில்லனாக விட்யுட் ஜம்வால்.
படத்தின் விஜய் அறிமுகம் வானத்தை பிளந்து வருவாரா? அல்லது தண்ணீரை பிளந்து வருவாரா? :) என்று பார்த்து கொண்டிருக்கும் பொழுது ஒரு வித்தியாசமான அறிமுகம். :)



ஜெகதீஷ்(விஜய்) ஊரில் இருந்து வந்ததும் நடக்கும் பெண்பார்க்கும் படலம் மிக மிக அருமை. நிஷா (காஜல்) வைப் பார்த்து தம்மடிக்கிற பொண்ணுதான் எனக்குப் பிடிக்கும் என்று கலாய்ப்பது முத்தாய்ப்பு.

நடிகர் ஜெயராம் ஜெகதீஷ் அதிகாரியாக வருகிறார். அவர் வரும் ஒவ்வொரு காட்சியும் கலகலப்பு.

சத்யன், ஜெகதீஷின் நண்பன். சில இடங்களில் சிரிக்க வைக்கிறார். ஆனால் இன்னும் கொஞ்சம் சிரிக்க வைத்திருக்கலாமோ?
ஜெகதீஷ் தீவிரவாதிகளை பந்தாடும் பொழுதும், நிஷாவிடம் கலாட்ட செய்து, காதலிப்பதிலும் அசத்துகிறார். நண்பர்களுடன் சேர்ந்து தீவிரவாதிகளை பின்தொடர்ந்து சென்று கொள்வது உச்சக்கட்ட பரபரப்பு.

தன் தங்கையை கடத்த அனுமதிப்பதிப்பதும், தன்னையும் தீவிரவாதிகளோடு இறக்க உயிரை பணயம் வைப்பதும் நல்ல நாட்டுப்பற்று.

"Sleepers cells" என்ற ஒரு பயங்கரத்தகவல் நெஞ்சை உலுக்குகிறது. இப்படத்தைப் போல தீவிரவாதத்தை வேரோடு ஒழித்து விட்டால் எவ்வளவு நன்றாக இருக்கும். அங்கங்கே சிலப்பல இடங்களில் கதை உதைக்குது, இருந்தாலும் பார்க்கலாம். :)

இப்படத்தில் எனக்கு பிடித்த வரிகளாக நான் நினைப்பது,

" ஆயிரம் பேரை அழிக்க நினைக்கும் அவர்களே உயிரைக் கொடுக்கும் பொழுது,
காப்பாற்ற நினைக்கும் நாம் கொடுக்கக் கூடாதா? "
என்று விஜய் கேட்கும் பொழுது நிஜம் நம்மையும் சுடுகின்றது.

ஹாரிஷ் ஜெயராஜ் இசை நெஞ்சில் பதியவில்லை என்றாலும் வெண்ணிலவே மற்றும் கூகுல் பாடல் ரசிக்க வைக்கிறது. கூகுல் பாடல் விஜய் பாடி இருப்பது ரசிகர்களுக்கு ரெட்டைக் கொண்டாட்டம்.

Directed by	A. R. Murugadoss
Produced by	Kalaipuli S. Dhanu
Written by	A. R. Murugadoss
Starring	Vijay Kajal Aggarwal Jayaram Vidyut Jamwal Sathyan
Music by	Harris Jayaraj
Cinematography	Santosh Sivan
Editing by	A. Sreekar Prasad
Studio	Kalaipuli Films International
Distributed by	Gemini Film Circuit

மொத்தத்தில் துப்பாக்கி முழுச் சீற்றம். டம்மி இல்லை :)

நீங்களும் உங்கள் கருத்தைச் சொல்லுங்களேன். மீண்டும் சந்திபோமா?
வாழ்க வளமுடன் !!

---------- அனு

புன்னகைப் பூ!!

அன்பு நண்பர்களுக்கு,

   வணக்கம்.


குழந்தைகள் பூமியில் உலவும் தேவதைகள்!!!
நம்மை பார்த்துச் சிரிக்கும் அதிஷ்டம்!!
நம் கவலை மறக்கச் செய்யும் அம்னீசீயா!!!
சில நேரங்களில் நம்மையே நமக்கு உணர்த்தும் ஆன்மா!!





என்னங்க உண்மைதானே? :)


 

வாசனை காற்றிலே.......

புத்துணர்வு மனதிலே ......

காலையில் குளித்து முடித்து அரக்க பரக்க சாப்பிடாமல் கூட அலுவலகமோ, கல்லூரியோ கிளம்புவோம். அந்த அவசரத்திலும் சர்ரு சர்ருன்னு அடிக்க மறக்க மாட்டோம். யாராவது நம்மை கடந்து போகும் பொழுது சில நேரங்களில் காற்றினிலே தவழ்ந்து வரும் நறுமணம் நம்மையும் அறியாமல் நம்மை இன்னொரு முறை சுவாசிக்க வைக்கும். என்ன வகையா இருக்கும், என்ன பெயர் கொண்டதாக இருக்கும் இப்படியாக நம்மை யோசிக்கவும் வைக்கும். சில நேரங்களில் நாம் மனச்சோர்வு கொண்டிருந்தால் மிக மெல்லிய நறுமணங்கள் நம்மை மிகவும் புத்துணர்வு கொள்ள வைக்கும்.

வண்ண வண்ணமாய் பூத்துக் குலுங்கும் மலர்களில் கூட அதற்க்கு மணமிருந்தால் தனி அழகு. அப்படிப்பட்ட வாசனைக்கு மனிதன் பண்டைய காலம் முதலே முக்கியத்துவம் கொடுத்திருக்கிறான் என்பது குறிப்பித்தக்கது. ஆனால் பண்டைய காலங்களில் மலர்களை கசக்கி அல்லது நீரில் கலந்து குறுகிய காலத்திற்க்கு மட்டுமே பயன்படுத்தினார்கள்.ஆனால் அதை எப்படி ,எப்பொழுது நிரந்தரமாக பயன்படுத்தினார்கள். யார் அதை உலகிற்க்கு அறிமுக படுத்தினார்கள் என்று எப்பொழுதாவது இதைப்பற்றி யோசித்திருப்போமா? வாசனை திரவியத்தைப் பற்றிய ஒரு வாசனையான தகவல்தான் இது.

வாசனை திரவியத்தின் வரலாறு:

வாசனை திரவியம் என்பது உடல் நாற்றத்தை போக்கவும் பின்னர் மற்றவர்களை வசிகரிக்கவும் பயன்படுத்தப்படுவதாக கூறப்படுகிறது.PERFUME என்ற வார்த்தை லத்தீன் மொழியில் இருந்து பெறப்பட்டது. இதற்க்கு புகையின் மூலம்(THROUGH SMOKE) என்று பொருள்.

இந்த வாசனை திரவியம் 1000 வருடத்து கலை என்றால் நம்ப முடிகிறதா? ஆம் நம் முன்னோர்கள் இதை வேறு வடிவங்களாக பயன்படுத்தி இருக்கிறார்கள்.இந்த வாசனை திரவியத்தை கண்டறிந்தவர்கள் எகிப்து மக்களே. ஆனால் முறையாக பயன்படுத்தியவர்கள் கிரேக்கர்களும், ரோமானியர்களும் ஆவார்கள். பின்னர் முறையாக மெருகேற்றியவர்கள் ஃப்ரான்ஸ் நாட்டைச் சேர்ந்தவர்களே. இந்த கலை இத்தாலியில் இருந்து ஃப்ரான்ஸிற்க்கு 16 ஆம் நூற்றாண்டில் நுழைந்தது. இதை அறிமுகப்படுத்தியவர் கேத்தரின்(Catherine de medicis, wife of King Henri II) அரசர் இரண்டாவது ஹென்றியின் மனைவி ஆவார்.

ஒரு காலத்தில் நீரில் மலர்களை விடுவது மற்றும் மலர்களை கசக்கி அந்த வாசனையை உபயோகித்தார்கள். ஆனால் இன்று வித விதமான மணங்களில், கண்கவர் வண்ணங்களில்,பலப்பல வடிவங்களில் கிடைக்கின்றன. வாசனைத் திரவியம் என்றாலே முதலிடம் வகிப்பது ஃப்ரான்ஸ் தான். அவ்வளவு சிறப்பான , இயற்கையான முறைகளில் தாயாரிக்கப்படுகின்றன. இங்கே தாவரங்கள் மற்றும் மலர்களில் இருந்து மட்டுமே தயாரிக்கப்படுகின்றது.பலத்தொழிற்சாலைகள் இயங்குகின்றன பாரிசில். ஆனால் தயாரிப்பில் முக்கியமானதாகவும் மற்றும் இதயமாகவே இயங்கும் சிறு நகரம் க்ராஸ் (GRASS). இந்த நகரம் நீஸ்(NICE) என்ற பகுதியில் உள்ளது. இந்த நகரம் மிதமான மத்திய தரைக்கடல் காலனிலையை(mild Mediterranean climate) கொண்டுள்ளதால் ஜாஸ்மின் என்ற மலரை இங்கே வளர்க்க முடிகின்றது. மேலும் ரோஸ்,லாவண்டர் மற்றும் லில்லி போன்ற வகைகளையும் தயாரிக்கிறார்கள். செயற்கைப் பொருள் சேர்ப்பில்லாமல் , இயற்கையாக தயாரிப்பதே இதன் சிறப்பு. இங்கே குறைந்த பட்சமாக 60 தொழிற்சாலைகள் இருப்பதாக கூறப்படுகின்றது. பல தலைமுறைகளாக தொடரும் இந்த சாதனை,யாராலும் மிஞ்ச முடியாத உயரத்தில் இருக்கிறது.இந்த க்ராஸில் வாசனைதிரவியத்துக்கான பொருட்காட்சி இயங்குகிறது என்பதும் குறிப்பிடத்தக்கது. உலக அளவில் உற்பத்தியில் மற்றும் தரத்திலும் முதலிடம் வகிக்கிறது ஃப்ரான்ஸ் என்பது சிறப்பு. வாசனைத் திரவியங்கள் என்றாலே ஃப்ரான்ஸ்ன்னா பார்த்துங்களேன்.அதிகமான வருமானமும் இதன் மூலம் கிடைப்பதாக புள்ளி விவரங்கள் கூறுகின்றன. ஃப்ரான்ஸில் புகழ் பெற்ற நிறுவனங்கள் பல உள்ளன குறிப்பாக Chanel, Christian Dior or Estée Lauder மற்றும் பல. வாசனையில வருமானம் நல்லாதான் இருக்கு.

ஃப்ரென்ஞ் பாத்( French Bath)

பல முறை நம் நண்பர்கள் கேலி செய்வதை கேட்டிருப்போம்.அப்படின்னா என்னங்க? ஃப்ரான்ஸில போயி குளிப்பதா? அட அதுதாங்க இல்ல. வாசனை திரவியங்கள் பயன்படுத்தி குளிப்பதைதான் இப்படி கூறுவார்களாம்.

"மங்கை இவள் வாய்த்திறந்தால் மல்லிகைப்பூ வாசம்ன்னு" வைரமுத்து அவர்கள் எழுதி இருக்கிறார்களே, ஒரு வேளை அந்த பெண்மணி மல்லிகைப்பூ திரவியம் பயன்படுத்தி இருப்பாரோ!!! அப்படித்தான் இருக்கும். எது எப்படியோ நாடும் வீடும் மணந்தால் சந்தோஷமே!! என்னங்க நான் சொல்றது சரிதானே!!

Galactic alignment

அன்பு நண்பர்கள்!!
வணக்கம்!

Galactic alignment on December 2012!

It's not all about 5 Sundays,5 Saturdays, 5 Mondays coming in a Month. It's all about Galactic alignment which occurs every 26,000 years. There are other months which had 5 Sundays,5 Saturdays, 5 Mondays but December 2012 is significant because Galactic alignment is happening. thanks.

எதிர்வரும் மாதம் அதாவது இம்முறை வரும் டிசம்பர் 2012 ஆனது ஒரு அதிசயம் மிக்க...

டிசம்பர் மாதமாகக் கருதப்படுகிறது. அதற்க்குக் காரணம் இந்த டிசம்பர் மாதத்தில் கிரகங்கள் நேர்கோட்டிலும் மற்றும் 5 சனிக்கிழமைகள், 5 ஞாயிற்றுக் கிழமைகள், 5 திங்கட் கிழமைகள் வருவதே. இவ்வாறான டிசம்பர் மாதமானது 26,000 வருடங்களுக்கு ஒருமுறையே வருவதாக வரலாற்றுத் தகவல்கள் தெரிவிக்கின்றன. இவ்வாறான டிசம்பர் மாதத்தை சீனர்கள் பணப்பொதி அதாவது "மணி பேக்" என அழைக்கின்றனர்.

what is galactic alignment?
See @
http://alignment2012.com/whatisga.htm

(Thanks to Tamil karuthukalam)

பீட்சா---- திரைவிமர்சனம் (pizza movie review)

அன்பு நண்பர்களே!!!

வணக்கம்!! சுகம்தானே?

மீண்டும் பீட்சா திரைவிமர்சனத்தில் உங்களை சந்திப்பதில் பெரும் மகிழ்ச்சி அடைகிறேன்.
திரைப்படங்களில் பலவகை. அவற்றில் இது வித்தியாசமான முயற்சி. பாராட்டுக்குரியது.
எத்தனைக் காலம்தான் நாமும் 100 ரௌடிகளை ஒரு ஹீரோ பொலந்து கட்டுவதயும், மரத்தை சுத்தி சுத்தி டூயட் பாடுவது மட்டும் பார்த்து ரசிப்பது சொல்லுங்கள். தமிழ் சினிமா மாறத் தொடங்கி விட்டது. அதற்க்கான இந்த முயற்சியை நாம் பாராட்ட வேண்டும்.

சாதாரண பீட்சா மையத்தில் வேலை செய்யும் நபராக விஜய் சேதுபதி(மைக்கேல்-கதாபாத்திரத்தின் பெயர்) நடித்துள்ளார். இவர்தான் படத்தின் கதாநாயகன். நாயகி ரெம்யாவும்(அனு-கதாபாத்திரத்தின் பெயர்) இவரும் ஒரு வீட்டில் வசித்து வரும் காதலர்கள். எதிர்பாராமல் கற்பவதியாகிறார்(?). அதனால் வீட்டிலேயே திருமணம் செய்து கொள்கிறார்கள்.

ரெம்யா ஒரு மனநலம் சார்ந்த படிப்பை படித்தவர். அது மட்டுமல்லாமல், அதிகமாக பேய் மற்றும் கெட்ட சக்திகளை படிப்பது ,பேய் வைத்து கதையும் எழுதும் ஆற்றல் படைத்தவர். ஆனால் நம்ம ,மைக்கேல் இவருக்கு நேர் எதிர். அப்படி பயந்த சுபாவம் கொண்டவர்.

இவர் ஒரு சமயம் பீட்சா வீட்டிற்க்கு விநியோகம் (Home Delivery) செய்ய போகிறார்.மைக்கேல் அந்த வீட்டில் மாட்டிக்கொள்கிறார். அந்த வீட்டில் நடக்கும் பயங்கரமான நிகழ்வுகள்தான் பீட்சா .

ஒவ்வொரு காட்சியையும் மிக மிக விறு விறுப்பாக கொண்டு சென்றிருக்கிறார் இயக்குநர்(Karthik Subburaj). இவருக்கு நாம் கைத்தட்டல்களை பரிசாக கொடுப்போம்.

காதல் இல்லையென்றால் கடத்தல், கொலை, கொள்ளை இதை மட்டும் வைத்து செய்யாமல் ஒரு வித்தியாசமான நோக்கோடு படத்தை நகர்த்தியிருக்கிறார்.

மிக மிக பாராட்டப்பட வேண்டுய ஒன்றாக நான் கருதுவது குத்துப்பாட்டும், ஒயின்சாப்பும், இரட்டை அர்த்த வசனங்களும் இல்லை.
நூறு பேரை அடித்து நொறுக்கும் காட்சி இல்லை, தேவை இல்லாத வசனங்கள் இல்லை.


ஆனாலும் குழந்தைகள் பார்க்க முடியாது ஏனென்றால், அவ்வளவு விறு விறுப்பு (thrilling). பயங்கரமான காட்சி அமைப்புகள்.

விஜய் சேதுபதி நடிப்பில் அசத்தி இருக்கிறார். ரெம்யா கண்களுக்கு மிதமான குளிர்ச்சி. அப்படி ஒரு துறு துறு அழகு .

பணம் மற்றும் அது சார்ந்த அனைத்தும் கவர்ச்சியானது. அதற்க்கு மயங்காதவர்கள் விதி விலக்குகள். நம் மூட நம்பிக்கைகள் மற்றும் பயம் போன்றவை எப்படி எதிராளிக்கு சாத்தியமாகின்றன என்பதே கதை.

பெண்களை பேராசை பிடித்தவர்கள் என்று சொல்கிறார்கள், அது இப்படத்தில் உண்மையாகிறது.

அழகான ஒரு வசனம் என்னை வசப்படுத்தியது, என் முதலாளி ரொம்ப நல்லவர் என்று மைக்கேல் சொல்வார், அப்பொழுது அனு நாமும் ரொம்ப நல்லவங்கதான் என்பார் ( ஆனால் அவர் தவறு செய்வார்). இப்படித்தான் இந்த உலகம் ஓடிகொண்டிருக்கிறதா?

எப்படியோ அரைத்த மாவை அரைக்காமல், காதில் புய்ப்பம் வைக்காமல் நம்மை வெளியே அனுப்புகிறார்கள்

Cast: Vijay Sethupathi, Remya Nambeesan
Director: Karthik Subburaj
Producer: C.V. Kumar
Music: Santhosh Narayanan
Cinematography: George William
Screenplay: Karthik Subburaj
Story/Writer: Karthik Subburaj

படத்தை சார்ந்த அத்தனைப் பேருக்கும் மனமார்ந்த வாழ்த்துக்களும், பாராட்டும்.
நன்றி!!

மீண்டும் சந்திப்போம்!! வாழ்க வளமுடன் !!

-- அனு

 

மாவீரன் நெப்போலியன்

பிரான்ஸ் நாட்டினை ஆட்சி செய்தவர் மாவீரன் நெப்போலியன்.

இந்த மாவீரன் வேற்று நாடாகிய இங்கிலாந்து நாட்டின் மருத்துவரும் விஞ்ஞானியுமான ஜென்னர் மீது அதிக மதிப்பும் மரியாதையும் வைத்திருந்தார்.

மருத்துவர் ஜென்னர் கொள்ளை நோய் எனப்படும் வைசூரி நோய்...

க்கு மருந்து கண்டுபிடித்தவர்.

எதிரி நாட்டு விஞ்ஞானியை ஏன் மதிக்கிறீர்கள் என்று நெப்போலியனிடம் கேள்வி கேட்டனர். அதற்கு, மன்னர்களின் பெருமை போரில் ஆயிரக்கணக்கான உயிர்களைக் கொல்வதில் இருக்கிறது. அவர்களால் தாங்கள் அழித்த உயிர்களை மீண்டும் தர இயலாது. ஆனால், டாக்டர் ஜென்னர், வைசூரி நோயால் இறக்காமல் ஆயிரக்கணக்கான உயிர்களைக் காப்பாற்றும் சேவையைச் செய்துள்ளார். எனவே, ஒரு மன்னர் விஞ்ஞானியை மதிப்பதுதான் நியாயம் என்று கூறியுள்ளார் மாவீரன் நெப்போலியன்.

 

பார்த்ததில் பாதித்தது :(

அன்பு நண்பர்களே!!
   வணக்கம். நான் இந்த படத்தை பார்த்ததும் என்னை மிகவும் பாதித்தது. இப்படி ஒரு நிலைமைக்கு நாம் வந்து விடக் கூடாது. ஆனால் யாராவது செய்வார்கள் என்று நாம் அமைதியாக இருக்கிறோமோ என்றும் ஒரு கேள்வி உள்ளே!! உன்னால் முடியும் தம்பி என்ற படத்தில் வரும் ஒரு வசனம் என் நினைவில் பசுமையாக. ஒரு கை உன்னை காக்க, மற்றொரு கை ஊரைக் காக்க. நாமும் ஏதாவது செய்வோம்!! வாருங்கள் தோழிகளே!! வாழ்க வையகம் !! வாழ்க வளமுடன்!!

படித்ததில் வியந்தது :)

அன்பு நண்பர்களே!!
வணக்கம். உலகில் விலை மதிப்பிட முடியாத விஷயங்கள் நிறய்ய உள்ளன. அவற்றில் ஒன்றுதான் "தாய்ப் பால்". அதையும் ஒரு தாய் மற்ற  குழந்தைகளுக்காக பகிர்ந்ததை நான் வியந்து உங்களுடன் பகிர்கிறேன். நீங்களும் வியப்பீர்கள் அதில் எனக்கு வியப்பில்லை :)

கிரேட் அலிசியா!

இங்கிலாந்தில் உள்ள கிரான்பரி என்ற இடத்தை சேர்ந்தவர், அலிசியா ரிச்மேன். 28 வயதே ஆன இந்த இளம்பெண் தாய்ப்பாலை தானமாக வழங்கி கின்னஸ் சாதனை புரிந்திருக்கிறார். வளரும் குழந்தைகளுக்கு தாய்ப்பாலை காட்டிலும் சிறந்த உணவு இல்லை என்பதை விஞ்ஞானிகளே எடுத்துக்கூறும் சூழலில், இன்றைக்கு பல தாய்மார்கள் அழகு குறைந்துவிடுமோ என்று எண்ணி பெற்ற குழந்தைக்கு தாய்ப்பால் தரவே தயங்குகின்றனர்.
இப்படியான நிலையில், தன் மகனை பிரசவித்த முதல் நாளில் இருந்தே, அதாவது கடந்த ஆண்டு ஜுன் மாதம் தொடங்கி இந்த ஆண்டு மார்ச் வரைக்குமான 10 மாத காலத்தில் 11 ஆயிரம் அவுன்ட்ஸ் தாய்ப்பாலை, தாய்ப்பால் வங்கியில் தானமாக வழங்கியிருக்கிறார், அலிசியா. அதனை அந்த வங்கி பெற்று தாய்ப்பால் பருக வாய்ப்பில்லாத குழந்தைகளுக்கு வழங்கியிருக்கிறது. மிக அதிக அளவில் தாய்ப்பாலை தானமாக கொடுத்து கின்னஸ் புத்தகத்திலும் இடம்பெற்றிருக்கிறார், இந்த சேவைப் பெண்!




வாழ்க வளமுடன். நன்றி : அவள் விகடன்.
 

பார்த்ததில் ரசித்தது :)

அன்பு தோழமைகளே!!

வணக்கம் :)

பேருந்தில் பயணித்துக் கொண்டிருந்தேன் ஒரு சமயம். அப்பொழுது என் கண்ணில் பட்ட ,நான் மிகவும் ரசித்த படத்தை இங்கே உங்களுடன் பகிர்ந்து கொள்கிறேன். நிச்சயமாக நீங்களும் ரசிப்பீர்கள் என்று நினைக்கிறேன் :).

எப்படிதான் இப்படி யோசிக்கிறாங்களோ!! ரூம் போட்டு யோசிப்பாங்களா இருக்கும். :)
 

Sitting positions

Never hate people :)

இங்கிலிஷ் விங்கிலிஷ் --- திரைவிமர்சனம்

 

செந்தூரப்பூவே! செந்தூரப்பூவே! ஜில்லென்ற காற்றே!!........ என்ற பாடலுக்கு தாவணி விசற ஊஞ்சலில் ஆடும் ஸ்ரீதேவியை அவ்வளவு சீக்கிரத்தில் மறக்க முடியுமா என்ன? ஆம் மீண்டும் ஸ்ரீதேவி தலைக்காட்டியிருக்கும் படம் இது. ஒவ்வொரு வயதிலும் பெண்மை அழகாக மிளிரும் என்பது எவ்வளவு உண்மை. அதை மெய்பித்திருக்கிறது. ஸ்ரீதேவி அவர்களின் நளினமும்,அழகும். நடிப்பில் மீண்டும் அசத்தியிருக்கிறார்.

 

ஒரு பெண் எத்தனையோ அவதாரங்கள் எடுக்கிறாள். ஒரு தாயாக , ஒரு மனைவியாக, ஒரு மருமகளாக இருக்கும் பெண்களுக்கும் மனசு இருக்கும் மற்றவர்களைப் போல, அதில் வலியும் இருக்கும் என்பதை அழகாக சொல்லியிருக்கிறார்கள். கணவன் , மனைவியை எப்படி மதிக்க வேண்டும், அவளுடைய திறமையை எப்படி ஊக்கப்படுத்த வேண்டும் என்பதும் நன்றாக சொல்லியிருக்கிறார்கள். சஷி(shashi) என்ற கதாபாத்திரத்தில் நடிக்கும் ஸ்ரீதேவி அவர்களுக்கு ஆங்கில அறிவு குறைவாக இருக்கும். தன் தாய்க்கு ஆங்கில அறிவு இல்லை என்பதை அவமானமாக கருதுகிறது பெண் குழந்தை. தன் தந்தையிடம் மட்டும் அனைத்தையும் பகிர்கிறாள். மொழி அறிவு , தாய்க்கும், குழந்தைக்கும் இடைவெளி ஏற்படுகிறது. ஒரு தாய்க்கு குழந்தையின் விலகல் எவ்வளவு வேதனையான விஷயம்.அதை அழகாக வெளிப்படுத்தி இருப்பார். ஆங்கிலம் தெரியாமல் உடைந்து அழும்பொழுது, நம் கண்களிலும் கண்ணீர்.

 

 

சஷி சிறு தொழிலாக லட்டு செய்து விற்பதை கணவன் கேலி செய்வது , சிறு விஷயத்தில் கூட மனைவியை ஊக்கப்படுத்தாமல் புண்படுத்துவது எவ்வளவு வலிகளை உண்டு பண்ணுகிறது என்பதை ஆண்களுக்கு கொடுத்திருக்கும் குட்டு. அங்கங்கு சர்க்கரைப் பொங்களில் வரும் முந்திரியைப் போல் நகைச்சுவையையும் இயக்குனர் கலந்திருக்கிறார்.

சஷி சூழ்நிலைக் காரணமாக நியூயார்க் செல்கிறார் தனியாக. அங்கேயும் ஆங்கிலம். நொந்து விடுகிறார் சஷி. ஒரு ஆங்கிலம் கற்று கொடுக்கும் விளம்பரம் பார்க்கிறார். ஆங்கில வகுப்பில் போய் சேர்கிறாரா ? இல்லையா? வாழ்வை எப்படி சுவையாகவும் சுவாரஷ்யமாகவும் மாற்றுகிறார்? இதுதான் கதை. இயக்குனரின்(Gauri Shinde) முயற்சியை நிச்சயமாக பாராட்ட வேண்டும். மிக நுண்ணிய உணர்வுகளைக் கூட அழகாக சொல்லியிருக்கிறார்.படம் பார்த்துட்டு உங்களோடு கருத்தையும் இங்கே பதிவு பண்ணுங்க.

சின்ன சின்ன விஷயங்கள் கூட நச்சுன்னு உரைக்கும். சஷி செய்திதாளை கையில் எடுத்து பிரிக்கும் நேரம், கணவன் "சஷி டீ கொடு" என்ற குரல் வரும். செய்திதாளை கணவன் கையில் கொடுத்து விட்டு, ஏக்கமாக பார்த்து செல்வார். முதல்முறை என்பது ஒரு முறை மட்டுமே வரும் விஷயம், அதை நம்பிக்கையோடும், சந்தோஷத்தோடும் எதிகொள்ளுங்கள் என்று ஒரு வசனம் வரும். ரொம்ப நன்றாக இருக்கும். சமையல் "ஆண் செய்தால் கலை , அதுவே பெண் செய்தால் வேலை" என்று ஒரு வசனம் வரும். அழகாக சொல்லப்பட்டிருக்கும். ஒரு மொழி தெரிந்து பேசினால் சிறப்பு, ஆனால் தெரியாத மொழியை முயன்று பேசினால் அது அதைவிட சிறப்பு ஆமாதானங்க!!!

 

சின்ன சின்ன பாராட்டுக்களும் , ஊக்கங்களும் பெண்களுக்கு என்றுமே உற்சாக டானிக். அது அவர்களை இன்னும் உயரத்திற்க்கு எடுத்து செல்லும் ஒரு ஊர்தி.சரி 

படிச்சிட்டு, படத்தை பார்த்துட்டு உங்க கருத்த சொல்லுங்க !! மீண்டும் சந்திபோமா....